सुशांत पोवार (कोल्हापूर) - इचलकरंजी शहराच्या पाणी प्रश्नावर विधान परिषदेचे गटनेते आमदार सतेज पाटील यांनी सकारात्मक आणि जबाबदारीची भूमिका मांडत पाणीप्रश्न सोडविण्याचे ठोस आश्वासन दिले असताना, आमदार राहुल आवाडे यांनी त्यांच्याबद्दल एकेरी उल्लेख करून राजकीय संस्कृतीला काळिमा फासली आहे, अशी टीका कोल्हापूर जिल्हा काँग्रेस कमिटीचे सचिव संजय पोवार वाईकर यांनी प्रसिद्धीपत्रकाद्वारे केली.

           वाईकर यांनी पत्रात म्हटले आहे, पाणी प्रश्नासारख्या गंभीर व जनतेच्या जीवनाशी निगडित विषयावर चर्चा करताना राहुल आवाडे यांनी वैयक्तिक टीका करत सतेज पाटील यांचा एकेरी उल्लेख करणे हे अत्यंत निषेधार्ह आहे. इचलकरंजीचा पाणीप्रश्न हा कोणत्याही एका व्यक्तीचा किंवा पक्षाचा नसून तो लाखो नागरिकांच्या दैनंदिन जीवनाशी जोडलेला प्रश्न आहे. आवाडे यांनी केलेल्या वक्तव्याचा आम्ही निषेध करत आहोत. त्यांनी तत्काळ इचलकरंजीच्या जनतेची माफी मागावी. अन्यथा या तीव्र आंदोलन छेडण्याचा इशाराही वाईकर यांनी दिला आहे.