सदर आदेशाप्रमाणे संदीप शिंदे, सहा. पोलीस निरीक्षक, प्रभारी महात्मा गांधी चौक पोलीस ठाणे, मिरज यांनी तात्काळ कारवाई करीत नशेच्या पदार्थांचा साठा, विक्री व वितरण करणारे इसमांबाबत माहीती उपलब्ध करुन त्यांचेवर प्रभावी कारवाई करण्यासाठी पोलीस ठाणेकडील डि.बी. पथकाकडील अधिकारी व अंमलदार यांना सुचित केले होते. त्यानुसार महात्मा गांधी चौक पोलीस ठाणेकडील डी.बी. पथकाने वेळोवेळी कारवाई करीत नशाखोरी व अंमलीपदार्थ विक्री रोखण्याचे अनुषंगाने पोलीस ठाणे हद्दीत प्रभावीपणे छापा कारवाई करुन उत्कृष्ठ कामगिरी केली होती.

           वरीष्ठांचे आदेशाप्रमाणे नशाखोरी तसेच अंमली व नशायुक्त पदार्थ तसेच गुटखा विक्री रोखण्याचे अनुषंगाने महात्मा गांधी चौक पोलीस ठाणे कडील नमूद पोलीस पथक पोलीस ठाणे हद्दीत पेट्रोलिंग करीत असताना पथकातील संदीप शिंदे, सहा. पोलीस निरीक्षक, प्रभारी महात्मा गांधी चौक पोलीस ठाणे, मिरज यांना दि. २३ जून रोजी रात्री उशिरा गोपनीय माहीती मिळाली की, मिरज ते निलजी बामणी रोडवरील हायवे ब्रीजचे खाली, मिरज येथे एक आयशर ट्रक एमएच - १५ - एफव्ही - ११०८ हा संशयीरीत्या उभा असून सदरचे ट्रकमधून दोन इसम काहीतरी संशयीत मुद्देमाल गाडीतून खाली उतरवीत आहेत. अशी खात्रीलायक बातमी मिळाली. सदर बातमीवरुन संदीप शिंदे, सहा. पोलीस निरीक्षक, प्रभारी महात्मा गांधी चौक पोलीस ठाणे, मिरज यांनी तात्काळ पंच व फोटोग्राफरसह महात्मा गांधी चौक पोलीस ठाणेकडील वर नमूद पथकासोबत मिळाले बातमीप्रमाणे मिरज ते निलजी बामणी रोडवरील हायवे ब्रीजचे खाली, मिरज येथे जावून तेथे सापळा रचून थांबले असता तेथे दोन संशयीत इसम सदरचे ट्रकमधून काहीतरी संशयीत मुद्देमाल गाडीतून खाली उतरवीत असताना दिसून आले. त्यांचा मिळाले बातमीप्रमाणे संशय आल्याने नमूद पोलीस पथकाने त्यांना पळून जाणेची संधी न देता शिताफीने ताब्यात घेवून त्यांना ट्रकमधील साहीत्याबाबत विचारणा केली असता त्यांनी उडवाउडवीची उत्तरे दिल्याने पंचांसमक्ष सदर ट्रकची झाडती घेतली असता नमूद इसम यांनी, तपासणीमध्ये चकवा देवून तपासणी करणा-या पथकाला सापडू नये यासाठी शक्कल लढवून लिंबू तसेच इतर शेतीमाल याच्या दोनशे पोती साहीत्याच्या खाली महाराष्ट्र शासनाने प्रतिबंधीत केलेल्या सुगंधी तंबाखूचा साठा लपवून लिंबू तसेच शेतीमाल साहीत्याची वाहतूक करीत असल्याचा बनाव केला असल्याचे दिसून आले. नमूद पोलीस पथकाने सदर इसम नामे राजकुमार निगाप्पा बुदीहाळ, वय ३०, रा. यड्राव फाटा, रेणूकानगर, यड्राव, जि. कोल्हापूर व हारुण शौकत हुक्कीरे, वय ४४, रा. राजवाडा चौक, जामा मस्जीदजवळ, इचलकरंजी, जि. कोल्हापूर यांचेवर लागलीच कायदेशीर कारवाई करीत त्यांना ताब्यात घेवून त्यांचेकडून महाराष्ट्र शासनाने प्रतिबंधीत केलेल्या सुगंधी तंबाखूचा १ लाख २ हजार ६०० रुपये किंमतीचा ५७० किलो एवढा मोठ्या प्रमाणातील साठा व सदरची प्रतिबंधीत सुगंधी तंबाखूची वाहतूक करण्यासाठी वापरलेला ट्रक असा एकूण ११,०२,६००/- रु. चा मुद्देमाल जप्त केला असून सदरचे आरोपींना अधिक विश्वासात घेवून त्यांचेकडे कौशल्यापुर्ण तपास केला असता, त्यांनी सदरचा सुगंधी तंबाखूचा साठा हा इतर संशयित नामे रिहानमलीक मुबारक मुल्ला, वय २४, रा. शहापूर, दत्तनगर, इचलकरंजी, जि. कोल्हापूर याचे सांगणेवरुन कर्नाटक राज्यातून आणला असून तो मिरज व इचलकरंजी परीसरातील पानपट्टीधारकांना चढ्या दराने किरकोळ स्वरुपात विक्री करुन वितरण करीत असल्याचे निष्पन्न झाल्याने लागलीच मा. वरीष्ठांचे आदेशाने कारवाई करीत गुन्हयातील इतर संशयीत नामे रिहानमलीक मुबारक मुल्ला यास इचलकरंजी येथून गुन्हयाचे तपासकामी ताब्यात घेणेत आलेले असून सदरचे प्रतिबंधीत सुगंधी तंबाखूचे कारवाईबाबत अन्न सुरक्षा अधिकारी, अन्न व औषध प्रशासन (म.रा.), सांगली यांना अवगत करुन त्यांचे फिर्यादीवरुन वर नमूद प्रमाणे गुन्हा दाखल करण्यात आलेला आहे. सदर कारवाई दरम्यान महाराष्ट्र शासनाने प्रतिबंधीत केलेल्या सुगंधी तंबाखू व गुटखा यांची विक्री व वितरण व्यवस्थेचे कर्नाटक - इचलकरंजी कनेक्शन समोर आलेले असून त्याअनुषंगाने सदर गुन्हयाचा पुढील तपास वरिष्ठांचे मार्गदर्शनाखाली महात्मा गांधी चौक पोलीस ठाणे कडील पोलीस पथक करीत आहे.

            महात्मा गांधी चौक पोलीस ठाणेकडून " नशामुक्त भारत अभियान" पार्श्वभूमीवर नशायुक्त पदार्थ व गुटखा विक्री तसेच वितरण करणा-या व्यवस्थेची पाळेमुळे खणून काढणेच्या अनुषंगाने नशाखोरी विरोधी कारवाईत सातत्य राखत जास्तीत जास्त प्रभावी कायदेशीर कारवाई करुन नशेखोरीच्या अवैध व्यवसायाचा समूळ बीमोड करण्याच्या उपाययोजना राबविण्यात येत असून नागरीकांनी नशायुक्त पदार्थाबाबत माहीती पोलीस प्रशासनास देण्याचे महात्मा गांधी चौक पोलीस ठाणेतर्फे आवाहन करण्यात येत आहे.