आरती भाळवणे (पुणे प्रतिनिधी) - पीएम श्री आदर्श शाळा कान्हे येथे बुधवार दि. १२ मार्च रोजी शाळा व्यवस्थापन समितीच्या कार्यकुशल सदस्या आरतीताई भाळवणे आणि स्वप्नालीताई आरोटे यांच्या प्रयत्नातून व कान्हे शाळेच्या मुख्याध्यापिका सुकेशिनी कोले यांचे मार्गदर्शनातुन महिला दिनाचे आयोजन करण्यात आले. सदर महिला दिनी शाळेतील सर्व वर्गातील विद्यार्थीनी आणि महिला शिक्षिकांनी मोठ्या उत्साहाने सहभाग घेतला होता.
           शनिवार दि.८ मार्च रोजी शनिवार असल्यामुळे "आनंद दायी शनिवार" हा उपक्रम आणि "महिला दिन" एकत्र आल्यामुळे सर्वाच्या आनंदात भर पडली. शाळा व्यवस्थापन समितीच्या महिला सदस्यांनी मुलींसाठी विविध गुणदर्शन कार्यक्रम आयोजित करुन प्रत्येक वर्गासाठी बक्षिसे जाहीर केलेली होती.
शाळेतील सर्व वर्गातील विद्यार्थीनींनी यात सहभाग घेऊन जगभरात उल्लेखनीय कार्य करणाऱ्या विविध क्षैत्रात आदर्शवत काम करून आपल्या कर्तुत्वाचा ठसा उमटविणा-या महिलांचे वेश धारण करुन राजमाता जिजाऊ, आहिल्याबाई होळकर, झाशीची राणी लक्ष्मीबाई, सिंधूताई सपकाळ, मदर तेरेसा, सुनिता विल्यम्स, इंदिरा गांधी यांचे जीवनावर आधारीत भाषणे करुन आदर्श महिलांचा इतिहासच उभा केला.
             शाळेतील सर्व आदर्श महिला शिक्षिका तसेच सर्व विद्यार्थीनी आणि शाळा व्यवस्थापन समितीतील महिलांना यानिमित्ताने शुभेच्छा देण्यात आल्या. पोळ यांनी परीक्षण करून नंबर काढले सदर कार्यक्रमात सहभाग घेतलेल्या सर्व विद्यार्थीनींना शाळेच्या मुख्याध्यापिका सुकेशिनी कोले, सहशिक्षक जगदाळे, नवले, सांगळे, खरात शिक्षकांसह महिला शिक्षिका अंब्रुळे, गाढवे, कांबळे, मधे, वाव्हळ, केदारलिंगे, बारवे, रणदिवे, पोळ यांचे शुभहस्ते बक्षिस वितरण करण्यात आले. शाळेतील सर्व विद्यार्थी आणि शिक्षक मोठ्या आनंदाने या कार्यक्रमात सहभागी झालेले होते.