या मोहिमेद्वारे संशयित रुग्णांची वैद्यकीय अधिकाऱ्यांकडून तपासणी करून, निदान झाल्यास त्यांना तत्काळ बहुविध औषधोपचार (MDT) सुरू करण्यात येणार आहेत. घरोघर भेटींद्वारे लपलेले व निदान न झालेले रुग्ण शोधणे, त्यांना उपचाराखाली आणणे, संसर्गाची साखळी खंडित करणे तसेच समाजात कुष्ठरोगाबाबत जनजागृती वाढवणे ही मोहिमेची प्रमुख उद्दिष्टे आहेत. सन २०२७ पर्यंत ‘शून्य कुष्ठरोग प्रसार’ हे ध्येय गाठण्याकडे मोहिमेची वाटचाल अधिक वेगाने होणार आहे.